After much persuasion, WeeYin has agreed, at considerable personal expense, to contribute his Wee Toon stories to Doon's website. New stories will appeare every so often and older stories will be archived, so that you can refer to them, in the future. For those who don't know, WeeYin is not Dundonian. He originates from "the west coast" (the Glasgow area) and is now living "somewhere in Newfoundland". He stumbled into the 3js one day, at some time in the past, and his unique sense of humour led to his adoption as the "pet" non Dundonian. After one or two of his posts were pulled, he joined the Dundonian Skenkers and continued his stories, not always to universal appeal. Who could forgot the story of his self administered operation? After receiving advice from someone to curtail his storytelling activities on the web, he withdrew from the Dundonian Skenkers. However, he has relented and agreed that his stories can appear here. Note: there is a link at the bottom of the page with a "Cast" button. This will take you to descriptions of the main characters featured in Wee Yin's stories.

Bulletin 7: 21st July, 2001 Wee Pairty At Dempsters and Charlie Williams. Weel folks ah'm gled that's ower fur anither year! Ah'm fair wore oot. Tae start aff on friday, me an' Dave Dempster an his missus went tae veesit some freens fur a Paddys Day scoff. Furst aff we hud a dump o' snaw an' then freezin' rain. We hud tae crawl oot tae the caur on oor hauns an' knees. When we eventually arrived we hud tae day the same thing again tae get tae the freens hoose.Daves wife Laurie wiz petrified on the trip an' when we arrived an' sat doon she said "that's it fur me, ah'm here fur the night." Ah met a fella' there ah huvn'y seen in aboot 25yrs an' we hud a great gab aboot aw' the heidcases we knew when he wiz the bartender in oor local pub at the time. Then oor lovely hostess brocht in the furst course, a big plate o' mussels. It nearly turned mah stomach jist tae look at them. Ah hud a bad experience wi' them an' lobster ane time in Halifax; ah thought a wiz a goner that time. Ever since, ah canny stand tae look at them. Next we hud a pile o' Irish stew made wi' local lamb. It wiz that good ah hud twa' big platesfu'. It's a good job Jim wasnae there as he wid hae broke his hert ower the puir wee lamb! He's really a big saftie. Then it wiz intae the Guinness. GREAT STUFF!!! The DUMPSTER wiz in great form an' gied us a marvellous rendition o' NICKY TAMS an ane aboot bein' on the bureau. A sang a duet wi' him on THE ROAD AN' THE MILES etc. Anyhow we hud a great time, nae fechts or argy bargyin' fur a change. The next day ah went up tae the pub fur a hair o' the dug, an' there wiz the bod Jim sittin' there at the bar wi' his hair dyed GREEN. Ah'll tall ye aboot that later,mah son wants on this machine noo. An awfy sad thing happened in oor wee toon the ither day!! Puir auld Charlie Williams gied up his mortal coil, passed awa, kicked the bucket, deid as a Dodo. Charlie wis a dab haun at stertin a rammy. It made nae deeference whit the subject wis, Charlie kent aw aboot it. That wisnae sae bad bit he wis aye right an took great pleesure in correctin fowk. Nae flies aboot him, he cud spot a spellin error or a malapropism a mile awa. Underneath the veneer o' didactics he wis a real pillar o' the toon. In fact he wis the high heid yin o' the "Ancient Order o' Plumbers". They are a mystical club that hae secret meetings an' paswords so they can recognise ane anither withoot onybody else knowin wha they are. They hae their meetins upstairs in a secret room in the pub on the last Tuesday o' the month. Mibbe ye've seen their "Logo" - it's a "Crossed Plunger an' Ballcock". It has been said aroon toon that they know aw the arcane mysteries o"Sacred Sanitation". Fae whit ah can gether, it has somethin tae dae wi the position an assembly o' the installation o' the pipes in the fancy hooses they work on. Ye can aye recognise their handiwork as there are nae right angles tae be seen. It's aw very mysterious. Anyway, tae get back tae mah story. Auld Charlie hid been complainin fur a while aboot no bein weel. Aw the doctors thit examined him said he wis awright an' it wis aw in his heid. Charlie wis determined tho an went aboot tellin awbody how he wis no weel. Weel,tae cut a lang story short, the ither day when big Jim wis deleeverin his paper, he thocht it wis awfy peculiar that Charlie wisnae there tae correct him aboot somethin as usual. So he went oot the back tae the hen hoose, where Charlie kept his prize Rhode Island Red hens, an there wis Charlie lying face doon wi his heid in the egg box. Big Jim did the best he cud tae bring him back tae life bit it wis nae use. The doctor said he must've choked on the egg yolks. So there ye go. Anither ane bites the dust,or ah should say the egg shells. Efter the funeral we aw clubbed thegither an bocht him a heidstane. It wis the least we cud dae, wis it no? We hud it engraved wi the Plunger an Ballcock an' whit we thocht Charlie wid hae said aboot it if he could talk. **AH TELT YE AH WIZ SICK** He wis a right Charlie tae the end. R.I.P. w.y. © 2001